BAS MÚFTI JAŃA MEShITTIŃ AShYLÝYNA QATYSTY (FOTO)
Búgin Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Túrkistan oblysy Keles aýdany Abaı aýylyndaǵy jańa meshittiń ashylýyna qatysty.
«Túrkistan oblysy meshit sany jaǵynan elimiz boıynsha birinshi orynda tur. Bul óńirde 1000-ǵa jýyq meshit bar. Bul – respýblıka boıynsha meshittiń úshten bir bóligin quraıdy. Túrkistan oblysy Keles aýdany Abaı aýylyna aıryqsha kórik berip turǵan jańa meshittiń ashylýymen shyn júrekten quttyqtaımyn.
Paıǵambarymyz (oǵan Allanyń salaýaty men sálemi bolsyn) óz hadısinde bylaı deıdi: «Kim jer betinde Allanyń úıin salýǵa atsalyssa, Alla Taǵala ol kisige jumaqtan oryn daıyndaıdy».
Qasıetti Quran Kárimde: «Allanyń meshitterin shynaıy túrde Allaǵa jáne aqyret kúnine sengen, namazdy tolyq oryndaǵan, zeket bergen, Alladan ǵana qoryqqan adamdar kórkeıtedi. Mine, solardyń týra jol tabýshylardan bolýy úmit etiledi» («Táýbe» súresi, 18-aıat) delingen. Osy meshitti salǵan azamattarǵa Alla razy bolsyn» dedi Naýryzbaı qajy Taǵanuly.
