BAS MÚFTI JAŃA MEShITTIŃ AShYLÝYNA QATYSTY (FOTO)
Túrkistan qalasynda jańadan salynǵan «Muhammed» meshitiniń ashylý saltanaty ótti. Igi is-sharaǵa QMDB Tóraǵasy, Bas múftı Naýryzbaı qajy Taǵanuly arnaıy qatysty.
Ardaqty Paıǵambarymyzdyń (oǵan Allanyń salaýaty men sálemi bolsyn) esimimen atalǵan qulshylyq ordasynyń ashylý rásiminde Bas múftı: «Allaǵa shúkir, jyl sanap elimizdiń ár óńirinde meshitterimizdiń qatary kóbeıip keledi. Meshit – meıirimdilik mekeni, rýhanı orda, qoǵamdy izgilikke shaqyryp, ıbaly bolýǵa úıretetin qasıetti oryn. Ardaqty Paıǵambarymyz (oǵan Allanyń salaýaty men sálemi bolsyn) bir hadısinde: «Kimde-kim jer betinde meshit bastasa, Alla Taǵala ol pendesine jánnattan saraı turǵyzady» degen. Osy meshittiń boı kóterýine atsalysqan, uıytqy bolǵan arda azamattarǵa Alla razy bolsyn! Kásipterine bereke, otbasylaryna amandyq tileımin» dedi.
