BAS MÚFTI JAŃA MEShITTIŃ IRGETASYNA KAPSÝLA SALDY (FOTO)
Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly Túrkistan oblysynyń Saýran aýdanyndaǵy Qarashyq aýylynda jańadan salynatyn meshittiń irgetasyna kapsýla saldy.
Úsh myń adamdyq meshit nysanynyń qazyǵyn qaǵý rásiminde Bas múftı:
«Allaǵa shúkir, táýelsizdik alǵan 30 jyldan asa ýaqyt ishinde eldiń eńsesi tiktelip, rýhanı qundylyǵymyz qaıta oraldy. Meshitterimiz azan shaqyryp, babalarymyzdyń armany oryndaldy. Meshit – mahabbat pen ımannyń toǵysqan mekeni. Abaı atamyz «Adamdy súı, Allanyń hıkmetin sez» deıdi. «Adamzattyń bárin súı baýyrym dep» deıdi taǵy bir ósıetinde. Mine, osyndaı tálim men tárbıege negizdelgen orda qutty bolsyn! Qulshylyq úıiniń ashylýyna muryndyq bolǵan, kómektesken azamattarǵa Alla razy bolsyn!
Búgin osynaý alańda balalar men jasósipirimderge arnalǵan sport alańqaıynyń da qurylysy bastalyp jatyr. Dinimizde sportpen shuǵyldanýdyń, densaýlyqqa mán berýdiń jóni bólek. Júgirý, júzý, at sporty, mergendikke baýlýda Alla elshisi (oǵan Allanyń salaýaty men sálemi bolsyn) bizderdi tabandylyq tanytyp, kúshti bolýǵa shaqyrdy» dedi.
Aıta keteıik, Qarashyq aýylynda salynatyn jańa meshit aýmaǵynda jáne balalar men jasóspirimderge arnalǵan sport jáne demalys alańdary, sondaı-aq alleıa orny bar. Nysan aýmaǵy 3,5 ga quraıdy.
