BAS MÚFTI JAS OTBASYLARǴA: AQ NEKELERIŃDI BUZBAŃDAR (FOTO)

Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly Qaraǵandy oblysyna barǵan saparynda «Ánet baba» meshitinde jas otbasylarǵa ýaǵyz aıtty.

«Alla Taǵala qasıetti Qurandaǵy «Baqara» súresiniń 187-aıatynda erli-zaıyptylar jaıynda: «Óıtkeni bir-birińdi qorǵaýda olar senderge kıim, sender de olarǵa kıim ispettisińder» dep baıandaǵan. Bul aıat er men áıeldiń bir-birine qanshalyqty jaqyn ekenin kórsetedi.

Shapaǵat pen meıirimniń úlgisi bolǵan, barlyq isi jaqsylyq pen túsinistikke negizdelgen Paıǵambarymyz (oǵan Allanyń salaýaty men sálemi bolsyn): «Áıelderdiń quqyqtaryn aıaqasty etpeńder, Alladan qorqyńdar. Óıtkeni, sender olardy Allanyń amanaty retinde aldyńdar» dep ósıet etken. Sondyqtan ómirdiń ótkinshi synaqtary úshin aq nekelerińizdi buzbańyzdar. Sebebi ajyrasý – Allaǵa unamsyz is» dedi Naýryzbaı qajy Taǵanuly.

Kezdesý barysynda Bas múftı saltymyzǵa saı sábılerdiń qulaǵyna azan shaqyryp, esimin qoıyp, jas otbasylardyń baqyty úshin duǵa jasady.

​