Bas múftı Jastar forýmynda baıandama jasady (FOTO)

QMDB Jastar isi sektorynyń uıymdastyrýymen elordada ótip jatqan «Jalyndy jastar yntymaǵy» respýblıkalyq jastar forýmynda Bas múftı Naýryzbaı qajy Taǵanuly baıandama jasady.

QMDB Tóraǵasy baıandamasynda jastardyń pikirimen sanasyp, máselelerdi birlesip sheshýdiń mańyzdy ekenin alǵa tartty.

«Asyl dinimizdi nasıhattaǵan kezde de Paıǵambarymyz (oǵan Allanyń salaýaty men sálemi bolsyn) jastardyń ornyn erekshe baǵalaǵan. Bir hadısinde «Jastar maǵan kómektesti» dep erekshe ataǵan. Omar ıbn Hattab (Alla oǵan razy bolsyn) óziniń halıfalyǵy kezinde qandaı da bir qıyn másele sóz bolǵanda jastardan arnaıy pikir suraǵan eken. Óıtkeni olardyń oılary júırik, zerek bolady dep tujyrymdaǵan», – dedi Bas múftı Naýryzbaı qajy Taǵanuly.

Sondaı-aq, QMDB Tóraǵasy HH ǵasyrdyń basynda erekshe belsendiligimen tarıh sahnasyna shyqqan qazaq zııalylarynyń basym bóligi jastar bolǵanyn alǵa tartyp, olar ǵasyrlar boıy bodandyqta bolyp kelgen eldiń jaǵdaıyna jaıbaraqat qaramaı, bilimmen qarýlanyp, azattyq úshin kúreskenin atap ótti.