BAS MÚFTI JAZÝShY ÁKIM TARAZIMEN SUHBATTASTY (FOTO)

QMDB Tóraǵasy, Bas múftı Naýryzbaı qajy Taǵanuly Alǵys aıtý kúni qarsańynda jazýshy, Qazaqstannyń Eńbek Eri Ákim Tarazıdiń shańyraǵynda qonaqta boldy.

Bas múftı jasy 90-nan asqan qart qalamgerge rızashylyǵyn bildirip, alǵys aıtty. Kezdesýde rýhanııat, ulttyq tárbıe, dástúr qundylyǵy sóz boldy.

«Qurmetti Ákim aǵa Ózińizben dıdarlasyp, batańyzdy alýǵa keldik. Siz urpaǵyńyzben de shyǵarmalaryńyzben de jasaı beresiz. Óıtkeni qazaq ádebıeti men mádenıeti, ónerine qanshama olja qaldyrdyńyz. Keleshek urpaq muny baǵalaıtyny aqıqat. Ultty súıý, onyń dástúrin, tilin, dinin qadirleýge qatysty aıtqan qundy oılaryńyz bólek. Biz ony ári qaraı dáripteýimiz kerek. Ózińizge amandyq tileımiz. Aýyrmaı, syrqamaı, Roza Qajyǵalymqyzy apaıymyzdyń qasynda kózaıym bop júre berińiz. Mereke qarsańynda qazaqtyń qabyrǵaly qalamgerine alǵysymyzdy bildirgeli keldik», - dedi QMDB Tóraǵasy.

Óz kezeginde jazýshy Ákim Úrtaıuly Bas múftıge rýhanııat salasyndaǵy jumystary úshin rızashylyq bildirip, Ózi de moldanyń tárbıesinde bolǵanyn aıtyp, atalarynyń meshit ustaǵanyn eske aldy. Suhbat sońynda árdaıym tilektes ekendigin jetkizip, aq batasyn berdi.

Sondaı-aq QMDB Tóraǵasy Naýryzbaı qajy Taǵanuly qalamgerdiń ıyǵyna qazaqy dástúrmen shapan jaýyp, jaqynda ǵana jaryq kórgen «Babalar izimen: qazaq dalasyndaǵy musylmandyq mektep» kitabyn syıǵa tartty. Qalamger qýanyshyn jetkizip, jubaıy jazýshy Roza Qajymǵalıqyzy ekeýi rızashylyǵyn bildirdi.