BAS MÚFTI JEZQAZǴANDA JAS SPORTShYLARǴA NASIHAT AITTY (FOTO)

Qazaqstan musylmandary dinı basqarmasynyń tóraǵasy Naýryzbaı qajy Taǵanuly Ulytaý oblysyna barǵan jumys saparynda Jezqazǵan qalasynyń mamandandyrylǵan olımpıadalyq rezervtegi balalar men jasóspirimder mektebinde bolyp, jas sportshylarǵa nasıhat aıtty.

«Alla Taǵala Qurannyń birneshe jerinde yqylaspen ıgi amal jasaǵan pendelerine qýanyshty habar jetkizgen. Mysaly, «Haj» súresiniń 37-aıatynda: «...Jaqsylyqty yqylaspen isteýshilerdi qýandyr!» delinse, taǵy bir aıatta: «Kim yqylaspen jaqsylyq isteı otyryp, júzin Allaǵa bursa, onda onyń syılyǵy – Rabbysynyń quzyrynda. Ári olarǵa qorqynysh joq jáne olar qaıǵyrmaıdy» («Baqara» súresi, 112-aıat) dep baıandalǵan. 

Ómirde jetistikke jetem deseńizder árbir isti yqylaspen oryndaýǵa den qoıyńyzdar. Alla Taǵala sizderge elimizdiń týyn kókte jelbiretý jolynda kúsh-qýat násip etsin. Eldiń maqtanyshyna aınalýlaryńyzǵa tilektespin» dedi Naýryzbaı qajy Taǵanuly.  

Kezdesý barysynda bapkerler men sportshylar Bas múftıge kókeıde júrgen saýaldaryn qoıyp, jaýap aldy.

​