Bas múftıge Mańǵystaý oblysyndaǵy dinı ahýaldy baıandady (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly elordada Mańǵystaý oblysynyń bas ımamy Ánýar qajy Izimbaıuly men Jańaózen qalasynyń bas ımamy Qurmanbek Abdalıevti qabyldady.
Kezdesýde bas ımamdar óńirdegi dinı ahýaldy baıandap, oqý-aǵartý, dinı ońaltý, jeke túsindirý, qaıyrymdylyq sharalar týraly Bas múftıge esep berdi. QMDB Tóraǵasy jat aǵymnyń jeteginde ketken jastarmen keshendi túrde jumys júrgizip, jeke túsindirý sharalaryna basymdyq berýge nazar aýdardy.
«Meshit – tek qulshylyq jasaıtyn oryn emes. Meshit – oqý ordasy, qaıyrymdylyq pen izgiliktiń ortalyǵy, jamaǵatty jaqsylyqqa úndeıtin oryn. Sondyqtan halyqqa asyl dinimizdi jetkizýde, jat aǵymǵa aldanǵan jastardy dinı ońaltý isinde ımamdardyń ustazdyq qabiletin damytý qajet. Osy máselege basa nazar aýdarylsyn», – dep atap ótti QMDB Tóraǵasy Naýryzbaı qajy Taǵanuly.
Kezdesý sońynda Bas múftı din qyzmetkerlerine naqty tapsyrmalar berdi.
