Bas múftıge sezge daıyndyq jumysyn tanystyrdy (FOTO)
Elordada QMDB Tóraǵasy, Bas múftı Naýryzbaı qajy Taǵanuly Álemdik jáne dástúrli dinder lıderleri seziniń maqsattary men mindetterin ilgeriletý jónindegi ýákil, Konfessııaaralyq jáne órkenıetaralyq dıalogty damytý jónindegi N.Nazarbaev ortalyǵynyń basqarma tóraǵasy Bolat Sársenbaevpen suhbattasty.
Kezdesý barysynda Bolat Sársenbaev Bas múftıge Sezdiń kezekti Hatshylyǵy men jumys tobynyń daıyndyq jumysyn tanystyrdy.
Bas múftı Álemdik jáne dástúrli dinder lıderleri seziniń dinaralyq tatýlyqty nyǵaıtýdaǵy orny men rólin erekshe atap ótti. B.Sársenbaev Qazaqstan musylmandary dinı basqarmasynyń qoǵamda adamgershilik qaǵaıdattaryn dáriptep, rýhanı birlikke shaqyryp kele jatqan eńbegin joǵary baǵalap, konfessııaaralyq baǵyttaǵy ortaq maqsattar nátıjeli bolatynyna senim bildirdi.
Kezdesý nátıjesinde taraptar birlisken ıgi jobalardy júzege asyrýǵa ýaǵdalasty.
