Batyrjan Mansurov stýdentterge dáris oqydy (FOTO)
QMDB Ýaǵyz-nasıhat bóliminiń meńgerýshisi Batyrjan Mansurov Nur-Múbarak ýnıversıtetiniń birinshi kýrs stýdentterine dáris oqydy.
Din mamany óz tájirıbesin ǵana bólisip qoımaı, qoǵamda kezdesetin olqylyqtar men jas mamandar boıynda bolatyn shıkilikter jaıly da aıtyp ótti. «Búginde bilim alýǵa múmkindik mol. Nur-Múbarak ýnıversıtetinde barlyq jaǵdaı bar, tipti Quran tili arab tilinde sóıleıtin mysyrlyq ǵalymdar aldaryńyzda júr. Sondyqtan qazirgi altyn ýaqyttaryńyzdy barynsha bilimge jumsańyzdar, damyńyzdar. Erteń jamaǵat aldynda san túrli saýaldar, jaǵdaılar kezdesse, bilimdilerdiń Alla abyroıyn kóteredi. Búginde bilimmen ǵana oza alasyz», – dedi Batyrjan Berdenuly.
Sondaı-aq din mamany QMDB Ýaǵyz-nasıhat bólimi qyzmeti jaıly tolyǵyraq maǵlumat berdi. Bólimniń talap-tilekter men jaǵdaılarǵa saı arnaıy jospar boıynsha elimizdiń búkil meshitterine ýaǵyz-nasıhattyń, jumada aıtylatyn ýaǵyzdyń baǵdaryn jasaıtynyn atap ótti.
Dáristiń ekinshi bólimi suraq-jaýapqa jalǵasty. Stýdentter tek bilimge qatysty ǵana emes, Batyrjan Berdenulynyń mamandyq tańdaý, Quran jattaý, bilim alýdaǵy da tájirıbelerin bólisýge qolqa saldy. Qosymsha nápil qulshylyqtar, oraza, namaz, zikirdi arttyrý zeıindi ashatynyn aıtqan dárisker astyń adaldyǵyna mán berýge keńes berdi. Bul saýal stýdentterdiń qyzyǵýshylyǵyn arttyryp, búginde dúken sórelerindegi samsaǵan taǵamdardyń adaldyǵyn ajyratýǵa da qatysty keńes surap jatty. Oılaryna oı, bilimderine bilim qosqan stýdentter QMDB-nyń ýaǵyz-nasıhatshy ókili Batyrjan Mansurovqa jáne uıymdastyrýshylarǵa alǵys aıtty.
Aıta keteıik, mundaı sharalar stýdentterdiń jan-jaqty qalyptasýy, bilim alýda ýaqyt pen múmkindikti durys paıdalaný úshin óte mańyzdy bolýda.
