Baýyrjan ustazdyń otbasyna páter berildi (FOTO)
Bas múftı Naýryzbaı qajy Taǵanulynyń bastamasymen belgili ǵalym, QMDB Ǵulamalar keńesiniń múshesi marqum Baýyrjan Álıulynyń otbasyna Almaty qalasynan úsh bólmeli páter syıǵa berildi.
Baýyrjan Álıulynyń otbasy buǵan deıin basqa da dinge qyzmet etip júrgen ǵalym ustazdarymyz sekildi QMDB-nyń qyzmettik páterinde turyp kelgen edi. Ustazdyń janazasynda QMDB ókilderi Dinı basqarma atynan Baýyrjan Álıulynyń artynda qalǵan otbasyna páter beriletinin aıtqan bolatyn.
Búgin Bas múftı ustazdyń shańyraǵyna arnaıy kelip, ata-anasyna kóńil aıtty. Quran oqyp, rýhyna quran baǵyshtady. Sondaı-aq ata-anasyna kásipkerlerdiń demeýshiligimen satyp alynǵan úsh bólmeli úıdiń qujattaryn tabystady. QMDB Tóraǵasy odan ary Baýyrjan Álıulynyń zıratyna baryp, duǵa qyldy.
Aıta keteıik, Baýyrjan ustazdyń otbasyna berilgen úı Almaty qalasynyń jaıly da tynysh aýdanynda ornalasqan Sofia turǵyn úı kesheninen berildi. Keshen aýmaǵynda úsh mektep, eki balabaqsha, emhana jáne jańadan salynyp jatqan záýlim meshit bar.
