Belgili psıholog «Áziret Sultan» meshitiniń áıel jamaǵatyna semınar ótkizdi (FOTO)
QMDB Nur-Sultan qalasy ókildiginiń Áıel-qyzdar sektorynyń uıymdastyrýymen keshe «Áziret Sultan» meshitiniń áıel jamaǵatyna arnalǵan semınar trenıng bolyp ótti. Belgili psıholog Aısulý Qalaǵanova «Ózimdi baǵalaıyn» taqyrybynda nasıhat aıtyp, áıel jamaǵatyna psıhologııalyq keńesterimen bólisti.
Aıta keteıik, Nur-Sultan ókildigi Áıel-qyzdar sektory jáne «Inabat» qyz-kelinshekter klýbynyń uıytqy bolýymen mundaı semınarlar jıi ótkizilip turady. Áıel jamaǵatynyń dinı bilimin ǵana arttyryp qoımaı, túrli ǵylym salasynyń mamandaryn arnaıy shaqyryp, kezdesý ótkizýdiń paıdasy zor deıdi meshit ustazdary. Osy oraıda keshegi kezdesýdiń qonaǵy retinde psıholog maman arnaıy shaqyrylǵan.
Adamnyń ózine degen senimdiligi, nápsimen kúres sharalary, ózin ózi durys baǵalaý sekildi taqyryptar boıynsha dinmen baılanystyra tushymdy dúnıeler aıtqan psıholog hanymnyń keńesterin qatysýshylardyń keıbiri jazyp alyp ta jatty. Kezdesý sońynda Aısulý Qalaǵanovaǵa jamaǵat atynan alǵys aıtyp, izgi lebizderin bildirdi.
