«Berekeli Ramazan» dastarhanyna boksshylar shaqyryldy (FOTO)
Keshe respýblıkalyq «Áziret Sultan» meshitindegi «Berekeli Ramazan» dastarhanyna elimizdiń atyn álemge tanytyp, kókbaıraǵyn jelbiretip júrgen boksshylar qaýymy shaqyryldy. Olımpıada chempıony, Barker kýbogynyń ıegeri Serik Sápıev bastaǵan temir judyryqty jigitter aqsham namazynan soń «Áziret Sultan» meshitinde bas qosyp, «Berekeli Ramazan» dastarhanynan aýyz ashty.
«Áziret Sultan» meshitiniń naıb ımamy Baqytjan Ótkelbaev qurmetti qonaqtardy qarsy alyp, boksshy jigittermen birge berekeli otyrys ótkizdi. Dastarhan basynda Ramazan aıynyń qadir-qasıeti jaıynda, asyl dinimizdiń qaǵıdalary men nyǵmetteri jaıynda ýaǵyz aıtylyp, qonaqtardyń kókeıde júrgen kóptegen saýaldarynyń túıini tarqatyldy. Áserli áńgimeniń jelisi úzilmeı, dastarhan basynan qımaı turǵan qonaqtar budan soń Bas meshittegi taraýıh namazyna qatysyp, qulshylyqtaryn jalǵastyra tústi.
Aıta keteıik, «Berekeli Ramazan» dastarhanynyń kelesi jolǵy qonaqtary Nur-Sultan qalasyndaǵy kópbalaly analar men muqtaj jandar bolmaq.
