Biliktilik arttyrý kýrsyn támamdaǵan ımamdarǵa sertıfıkat tabystaldy (FOTO)

09 jeltoqsan 2018 6314 0
Оqý rejımi

QMDB-nyń Astana qalasyndaǵy Imamdardy kásibı qaıta daıarlaý jáne biliktiligin arttyrý Respýblıkalyq ortalyǵynda dinı kadrlardyń biliktiligin arttyrý kýrsy aıaqtaldy.

Qysqa merzimdi kýrstyń aıaqtalý saltanatyna QR QDM Qoǵamdyq kelisim komıtetiniń Islamdyq dinı birlestiktermen baılanystar basqarmasynyń bas sarapshysy Nurǵalı Qabylov, QMDB-nyń Apparat jetekshisi Ǵylymbek Májıev, Respýblıkalyq «Áziret Sultan» meshitiniń naıb ımamy Baqytjan Ótkelbaev, «Nur Astana» meshitiniń Bas ımamy, Imamdardy kásibı qaıta daıarlaý jáne biliktiligin arttyrý Respýblıkalyq ortalyǵynyń dırektory Asqar Muqanov, QMDB-nyń Dinı bilim jáne kadr daıyndaý bólimniń bas mamany Marat Jappasbaev qatysty.

Qoǵamdyq kelisim komıtetiniń Islamdyq dinı birlestiktermen baılanystar basqarmasynyń bas sarapshysy Nurǵalı Qabylov ımamdardy alda kele jatqan Táýelsizdik kúnimen quttyqtaı otyryp, is-sharanyń mán-mańyzyna toqtaldy:

«QR QDM Qoǵamdyq kelisim komıteti ımamdardyń biliktiligine jiti mán berip otyrady. Mundaı kýrstardyń únemi ótkizilýine jaǵdaı jasaıdy. Jamaǵatpen kúndelikti tyǵyz qarym-qatynasta bolatyndyqtan ımamdarymyzǵa kásibı biliktilik pen jan-jaqty bilimdi bolý óte mańyzdy. Din qyzmetkerleriniń deńgeıin kóterý, biliktiligin arttyrý degende tek qana dinı turǵydan emes zaıyrlylyq, zańnamalyq, ádebı-mádenı qarym-qabiletin arttyrý turǵysynan da qaraýymyz kerek», - dedi N. Qabylov.

Sóz alǵan QMDB-nyń Apparat jetekshisi Ǵylymbek Májıev kýrsqa qatysýshy ımamdarǵa Bas múftı Serikbaı qajy Satybaldyulynyń sálemin jetkizdi.

«Imamdarymyz jan-jaqty bilimdi, bilikti, kórkem minezdi bolýy tıis. Elimizdiń birligine syzat túsiretin jat aǵymnyń aldyn alý jumystarynda jan-jaqty, keshendi bilim kerek. Ol úshin árbir ımam ózin damytyp otyrýǵa tıis», - dedi Ǵ. Jádigeruly. Sonymen birge, óńir ımamdaryna ortalyqta alǵan bilimderin kúndelikti jumys sapasyn jaqsartýǵa jumsaýǵa úndedi.

Respýblıkalyq «Áziret Sultan» meshitiniń naıb ımamy Baqytjan Ótkelbaev QMDB Tóraǵasynyń orynbasary, naıb múftı, QMDB-nyń Astana qalasy boıynsha ókili Naýryzbaı qajy Taǵanulynyń ystyq yqylasyn jetkizip, ımamdardyń aldaǵy jumysyna sáttilik tiledi.

Imamdardy kásibı qaıta daıarlaý jáne biliktiligin arttyrý respýblıkalyq ortalyǵynyń dırektory Asqar Muqanov kýrsty uıymdastyrýshy, úılestirýshi taraptarǵa alǵysyn bildirip, rızashylyǵyn jetkizdi.

Kýrstyń aıaqtalýyna arnalǵan is-sharanyń sońynda óńir ımamdaryna arnaıy sertıfıkattar tabystaldy.

Esterińizge sala keteıik, dinı kadrlardyń biliktiligin arttyrý maqsatynda QR Qoǵamdyq damý mınıstrligi Qoǵamdyq kelisim komıtetiniń qoldaýymen jáne qarjylandyrýymen ótken qysqa merzimdi kýrs aıasynda 8 ókildikten 80 ımam bilimin shyńdady.

Pіkіrler Kіrý