Bilim taqyrybyndaǵy suraqtarǵa jaýap berildi (FOTO)
Búgin «Call-ortalyqtaǵy suraq-jaýap» jobasynyń kezekti Efırinde QMDB Dinı bilim jáne kadr daıarlaý bóliminiń meńgerýshisi, Ǵulamalar keńesiniń múshesi, belgili ıslamtanýshy-ǵalym Smaıyl Seıtbekov qonaq bolyp, oqyrman suraqtaryna jaýap berdi.
«Bilim aptalyǵyna» oraı «Bilim – sarqylmaıtyn ken» taqyrybynda ótken tikeleı Efırde S.Súıerqululy Múftııattyń Instagram-daǵy direct-ne kelgen suraqtar men qatar telefon shalǵan oqyrman qaýymnyń da saýaldaryn jaýapsyz qaldyrmady. Tájirıbeli din mamanyna alǵashynda «Quran, saýat ashý kýrsyn onlaın oqýǵa bola ma?», «Dinı bilimdi Qazaqstannyń jáne sheteldiń qandaı oqý oryndarynan alýǵa bolady?», «Mektep jasyndaǵy qyzdardy medresege oqyta alamyz ba?» syndy taqyrypqa saı suraqtar qoıylsa, keıin qulshylyq, kúndelikti tirshilikke qatysty zamanaýı saýaldar da oqyrman tarapynan qoıyldy.
Efır @muftiyatkz Instagram paraqshasynda saqtaldy. Bir eske sala ketetini, «Call-ortalyqtaǵy suraq-jaýap» ár beısenbi saıyn tikeleı Efırde QMDB ustazdary, din mamandarynyń qatysýymen ótedi.
