BIR ADAMǴA MEDITsINALYQ KÓMEK KÓRSETÝ ADAMZATTY QUTQARÝMEN TEŃ
Naýryzbaı qajy TAǴANULY,
Qazaqstan musylmandary dinı basqarmasynyń tóraǵasy, Bas múftı
Ardaqty aq halatty abzal jandar!
Sizderdi medıtsına qyzmetkerleri kúnimen shyn júrekten quttyqtaımyn. Alla Taǵala ıgi isterińizge mol saýaptan jazǵaı!
Qasıetti Qurannyń «Máıda» súresiniń 32-aıatynda: «…Kim ony tiriltse (ólimnen qutqarsa), barlyq adamdy tiriltkenmen teń dep jazdyq…» delingen.
Medıtsına – jaýaby men saýaby mol sala. Qasıetti Quranda aıtylǵandaı, bir adamnyń ómir súrýine sebepshi bolǵan pendeniń izgi amaly búkil adamdy ólimnen qutqarýmen teń…
Adamzatty qaýip-qaterden qutqarýdyń alǵy shebinde aq halatty abzal jandardyń júrgeninde talas joq. Mol saýapqa kenelý ońaı jolmen kelmeıtini belgili. Búgingi medıtsına qyzmetkerleri kúni adam janyn saqtaý syndy saýapty iste bar kúsh-jigerin sarp etip júrgen aq halatty abzal jandarǵa taǵy da aıryqsha alǵysymdy bildiremin. Alla Taǵaladan ómirlerińizge bereke, otbasylaryńyzǵa amandyq, jumystaryńyzǵa tabys tileımin. Jaratqan Jabbar Iemiz el ıgiligi men halyq densaýlyǵyn saqtaý jolyndaǵy saýapty qyzmetterińizdiń jaqsylyǵyn eselep jazǵaı. Ámın!
