Birikken arab ámirlikterimen baılanys bekıdi (FOTO)

Elordada Qazaqstan musylmandary dinı basqarmasynyń tóraǵasy Serikbaı qajy Oraz Zaıd bın Sultan ál Nahaııannyń Gýmanıtarlyq jáne Qaıyrymdylyq qorynyń Bas dırektory Hamad Salım bın Kardýs myrzany qabyldady.

Kezdesýge Birikken Arab Ámirlikteriniń Qazaqstandaǵy Elshisi Muhammed ál-Djaber de qatysty.

Basqosýda eki eldiń mádenı-rýhanı saladaǵy baılanysy sóz boldy. Sonymen qatar, taraptar Qazaqstanda ár úsh jyl saıyn ótetin Álemdik jáne dástúrli din kóshbasshylary seziniń dinaralyq dostyq pen kelisimdi nyǵaıtýdaǵy róli jaıly pikir alysty.

Bas múftı Serikbaı qajy Oraz Álemdik jáne dástúrli din kóshbasshylary sezine qatysyp, ortaq maqsatqa qoldaý kórsetken Birikken Arab Ámirlikteri delegatsııasyna alǵysyn jetkizdi.

Hamad Salım bın Kardýs bastaǵan delegatsııa Qazaqstan musylmandary dinı basqarmasynyń jańa ǵımaratyn aralap, ekijaqty yntymaqtastyqty arttyrýǵa múddelestik tanytty.

Kezdesý sońynda Bas múftı men Bas dırektor bilim-ǵylym, qaıyrymdylyq baǵytynda ortaq jobalardy júzege asyrýǵa ýaǵdalasty.