Birinshi naıb múftı elordalyq óner maıtalmandarymen kezdesti (FOTO+VIDEO)

Búgin respýblıkalyq «Áziret Sultan» meshitinde qasıetti juma namazynan soń jóni bólek basqosý bolyp ótti. Birinshi naıb múftı, Nur-Sultan qalasynyń bas ımamy Naýryzbaı qajy Taǵanuly «Izgilik mekeni» suhbat alańy» jobasy aıasynda elordalyq óner maıtalmandarymen kezdesip, súbeli suhbat ótkizdi.

Elimizge esimderi keńinen belgili Amanjol Áltaev, Serikzat Dúısenǵazın, Jandarbek Bulǵaqov, Erkebulan Qaınazar syndy aıtysker aqyndar men Ularbek Nurǵalym, Serik Seıtman sekildi jyr dúldúlderi, Oljas Sydyqbek, Nartaı Saýdanbek, Dáýren Serǵazın syndy teatr óneriniń maıtalmandary men Qurmash Mahan, Dosymjan Tańatarov bastaǵan óner juldyzdary ózara pikirlesip, túrli usynystary men oılaryn ortaǵa saldy. Basqosý barysynda qashanda meshit jamaǵatynyń qatarynan tabylyp, qulshylyq ordalarynyń qal-jaǵdaıyna qanyq júretin janashyr azamattarǵa Nur-Sultan qalasynyń 2019 jylǵy atqarǵan is-sharalar esebi kórsetildi. Oqý-aǵartý, ýaǵyz-nasıhat, qaıyrymdylyq, teris aǵymmen kúres sekildi basty baǵyttar aıasyndaǵy atqarylǵan jumystarǵa sholý jasalyp, qatysýshylar tarapynan aıtylǵan usynystar talqyǵa tústi.

Sýretterdi «FOTOGALEREIa» aıdarynan kóre alasyzdar!