Birinshi naıb múftı qaıyrymdylyq mekemesiniń ókilderin qabyldady (FOTO)
QMDB birinshi orynbasary, naıb múftı Naýryzbaı qajy Taǵanuly ózderiniń ótinishi boıynsha «Jibek joly qaıyrymdylyq mekemeler qaýymdastyǵynyń» ókilderin qabyldady. Jıynǵa atalǵan mekemeniń basshysy Ahmetjan Omarov, orynbasary Oralbek Rahymbek jáne QMDB Qaıyrymdylyq jáne ýaqyp isteri bóliminiń meńgerýshisi Kamaljan Turdybaev qatysty.
Kezdesý barysynda sheshimin tappaǵan birneshe jaıttar qaraldy. Onyń ishindegi ózektisi qaıyrymdylyq mekemelerindegi dinı bilim berý máselesi bolyp otyr. Óıtkeni atalǵan mekemeler Dinı basqarmanyń ruqsatynsyz sharıǵat sheńberinde ilim úıretýge quqyǵy joq.
Osy oraıda «Jibek joly qaıyrymdylyq mekemeler qaýymdastyǵy» mýftııatpen birlese dinı bilim berýdi qolǵa almaq. Sondaı-aq pansonattarǵa jazǵy jáne qysqy ýaqytta balalardy tasymaldaý jaǵynyń qıyn ekeni de aıtyldy.
Kezdesý barysynda Dinı basqarma ókilderi eki jaqty kelisim tek 1 jylǵa ǵana jasalady degen mámilege toqtaldy. Kelisim sheńberinde eki tarap óz qalaýynsha uzarta alady. Aıta ketsek, búginde elimiz boıynsha 2500-den asa bala qaıyrymdylyq pansıonattarynda bilim alyp jatyr.
