Bıyl Qurban aıt qalaı ótedi?
Alla qalasa 31 shilde men 2 tamyz aralyǵynda elimizde Qurban aıt merekesi ótedi. Bıylǵy Qurban aıtta eldegi pandemııaǵa baılanysty jyldaǵyǵa uqsamaıtyn biraz ózgeshelikter bolǵaly tur.
Bıyl tuńǵysh ret onlaın qurban shalý jobasy qolǵa alyndy. Osy baǵytta wuww.qurban2020.kz saıty iske qosyldy. Jańa saıt qalaı jumys isteıdi?
Onlaın qurban shalý nesimen erekshelenedi? Pandemııa jaǵdaıynda Qurban aıt merekesi qalaı ótedi? Qurbandyqqa shalynatyn mal qandaı bolýy kerek? Osy jáne basqa da suraqtarǵa erteń, 29 shilde kúni saǵat 21:00-de QMDB-nyń bólim meńgerýshileri, Ǵulamalar keńesiniń músheleri jaýap beredi.
«Qurban aıt – ulyq mereke» atty suraq-jaýap formatyndaǵy onlaın kezdesýdi Dinı basqarmanyń youtube jáne instagram kanaldarynan kórýge bolady.
Tikeleı Efırdi tamashalap, suraq qoıyńyz. Kele jatqan Qurban aıt merekesi qutty bolsyn!
