Bıylǵy Quran jarysynyń qyzyqty derekteri (FOTO)
«Bul án burynǵy ánnen ózgerek» degendeı, eldegi pandemııaǵa baılanysty bıylǵy Quran Kárimdi jatqa jáne mánerlep oqý baıqaýy burynǵydan ózgerek ótip jatyr. Máselen, saqtyq sharalary eskerilip, qarılardyń jarysyna kórermender, ıaǵnı, meshit jamaǵaty qatyspady. Tipti, bir atalym boıynsha saıysqa túsetin qarılardy basqa atalymnyń úmitkerleri bir zalda otyryp tamashalaı almady.
IH respýblıkalyq Quran Kárim jarysynyń budan ózge qyzyqty derekterin tizip kórelik.
Segiz jyl qatarynan Almaty qalasynda uıymdastyrylǵan respýblıkalyq qarılar baıqaýy bıyl alǵash ret elordadaǵy «Áziret Sultan» meshitinde ótip jatyr.
Baıqaý aıasynda alǵash ret «Uly dala Qurandary» atty Quran kórmesi uıymdastyryldy. Kórmege ár jyldary basylyp shyqqan Quran Kárimniń qazaqsha aýdarmalary, tápsir kitaptary, 1910 jyly jaryq kórgen arab tilindegi Quran kitaby, tájýıd qoljazbalary qoıylǵan.
Qarılar baıqaýynyń onlaın kórsetilimi kórermen nazaryna usynyldy. Ashyp aıtsaq, jarystyń alǵashqy kúninde «Hıkmet stýdııasynyń» YouTube-arnasynan 13 700, «Mýftııat» YouTube-arnasynan 3 410 adam kórse, Múftııattyń Instagram-daǵy resmı paraqshasynan 11 600 kórermen tamashalap úlgerdi.
Sondaı-aq kópshilik baıqaýdy birinshi ret «Halyq Arna» telearnasynyń Efırinen tamashalaı aldy.
Baıqaýda aǵaıyndy Erqanat jáne Nurtileý Seıtqasym baq synady. Qarılar otbasynan shyqqan qos búldirshinniń biri 10 jasta bolsa, 8 jastaǵy Nurtileý – jarystyń eń jas qatysýshysy retinde tirkelip otyr.
2018 jáne 2019 jylǵy baıqaýdyń bas júldesi mańǵystaýlyq qarılarǵa buıyrdy. Al bıyl jarysta kim top jarar eken?
Eske sala keteıik, búgin Quran Kárimdi jatqa jáne mánerlep oqýdan IH respýblıkalyq baıqaýdyń marapattaý rásimi QMDB tóraǵasy, Bas múftı Naýryzbaı qajy Taǵanulynyń qatysýymen elorda ýaqytymen saǵat 17:00-de ótedi. Jarys qorytyndysyn «Hıkmet stýdııasynyń» YouTube-arnasynan, «Halyq Arna» telearnasy jáne Múftııattyń Instagram-daǵy resmı paraqshasynan tamashalaı alasyzdar!
Daıyndaǵan Ermurat Nazaruly,
