RAMAZANNYŃ SOŃǴY KEShINDEGI RÝHANI KESh(FOTO)
Bıylǵy Ramazannyń sońǵy keshinde QMDB Áıel-qyzdar sektorynyń «Áziret Sultan» meshitine qarasty «Inabat» qyz-kelinshekter klýbynyń uıymdastyrýymen «Ramazan – keshirim aıy» atty rýhanı kesh ótti. «Áziret Sultan» meshitiniń áıel-shákirtterine arnalǵan keshte Ramazan boıy «Quran oqý» toby men «Quran jattaý» tobynyń shákirtteri oqyǵan Quran Hatymnyń duǵasy jasalyp, el men jerdiń tynyshtyǵy úshin, jamaǵat birligi úshin duǵa jasap, kelesi Ramazanǵa aman-esen jetýimizdi tiledi.
Buǵan deıin, shákirtter bir kúnde bir Quran Hatym etýmen qatar, Ramazan aıynyń sońyna deıin árkim Qurandy bir ret tolyq oqyp shyǵýǵa nıettengenin aıtqan bolatynbyz.
Rýhanı keshte meshit ustazdary ýaǵyz-nasıhat aıtty. Ásirese, ustazdar óz daǵýatynda ulyq aıdan renishsiz, adamdardy keshirip, Alladan ózi úshin, baýyrlary úshin keshirim suraýǵa shaqyrdy. Ustazdar nasıhaty áserli bolǵany sonshalyq, shákirtterdiń kózine jas keldi.
Júregi meshitke baılanǵan jandarǵa arnalǵan bul keshke meshit tazalyǵy úshin aıanbaı eńbek etip júrgen bir top qyzmetker arnaıy shaqyryldy. Meshit ustazdary: «Hadısterdiń birinde «Tazalyq – ımannyń jartysy» delinedi. Shyn máninde, dástúrimiz ben dinimizde de tazalyqtyń alatyn oryny aıryqsha. Kúnige myńdaǵan adam kelip-ketetin meshit ǵımaratyndaǵy tazalyq jasaý ońaı emes. Olardy tıisinshe qurmettep, eńbegin baǵalaýymyz kerek», dep ustazdar ókili men barlyq jamaǵat olarǵa sheksiz alǵysyn bildirip, jasap jatqan árbir amaldaryn Alla saýaptan jazýyn tiledi.
Shara barysynda túrli oıyndar oınatylyp, syılyqtar berildi. Shákirtter arasynan eriktileri sóılep, óz ómirlerinen ǵıbratty oqıǵalarmen bólisip, ustazdar men meshit jamaǵatyna rızashylyqtaryn bildirdi. Bir aı boıy Quran hatym jasap kelgen apalar toby Ramazanmen qoshtasý tásbıhyn aıtyp, jamaǵat kóńilin jibitti. Án men kúıden shashý shashylyp, salaýat, zikirler aıtyldy.
Shákirtter keshtiń óte áserli ótkenin aıtyp, sharanyń basy-qasynda júrgen meshit ustazdary Elmıra Serikbaıqyzy, Ásel Dúısebekqyzy, Zarına Shamıdýllaqyzy men Mýhlısa Saıdýlaqyzyna óz rızashylyqtaryn bildirdi.
Источник: Aidos
