BÓLIM MEŃGERÝShISI ATYRAÝ IMAMDARYNA SEMINAR ÓTKIZDI
Atyraýǵa QMDB Dinı bilim jáne kadr daıarlaý bóliminiń meńgerýshisi Smaıyl Seıtbekov arnaıy jumys saparymen keldi.
Bólim meńgerýshisi sapar aıasynda oblys ımamdaryna Qazaqstan musylmandary dinı basqarmasy bekitken birqatar qujattar boıynsha semınar júrgizdi.
Atap aıtar bolsaq, «Qazaqstan musylmandarynyń tuǵyrnamasy», «Imamnyń tulǵalyq kelbeti», «Musylmannyń tulǵalyq kelbeti», «Qazaqstan musylmandary dinı basqarmasy qyzmetkeriniń Etıkasy», «Dinı qyzmetkerler atqaratyn dinı rásimder tizilimi», «Jeti rýhanı qazyq» rýhanı tuǵyrnamasy, «As berý mádenıeti», «Zırat jáne zııarat», “Zııatker ımam» tuǵyrnamasynyń maqsat-mindetteri týraly keńinen aqparat berildi.
«Bizdiń maqsatymyz – ımamdardy jan-jaqty damytý, tulǵalyq baǵytyn jetildirý. Múftııat qabyldaǵan qujattardyń qaı-qaısy da qoǵamdaǵy turaqtylyqty nyǵaıtýdy kózdeıdi. Bul maqsatta ımamdar jetekshi ról atqarady” dedi Smaıyl Súıerqululy.
