BÓLIM MEŃGERÝShISI ÝFADA ÓTKEN KONFERENTsIIaǴA QATYSTY (FOTO)
QMDB Tóraǵasy, Bas múftı Naýryzbaı qajy Taǵanulynyń tapsyrmasymen Dinı saraptama bóliminiń meńgerýshisi, PhD doktory Nurlan Qaıyrbekov Reseı Federatsııasynyń Ýfa qalasynda ótken «Avraamıkalyq dástúrdiń ıdealy men qundylyqtary: joldaý birligi – dıalog jáne seriktestik» taqyrybyndaǵy XIV halyqaralyq ǵylymı-praktıkalyq konferentsııaǵa qatysty.
Volj Bulǵarııasynyń Islam dinin qabyldaǵanyna 1100 jyl tolýyna jáne Sheıh-ýl-Islam Talǵat Safa Tadjýddınniń Reseı ortalyq musylmandary dinı basqarmasynyń Tóraǵasy retinde qyzmet etkenine 40 jyl tolýyna oraı uıymdastyrylǵan merekelik is-sharaǵa Reseıdiń din, memleket jáne qoǵam qaıratkerleri, dintanýshylar men tarıhshylarymen birge Túrkııa men Aýǵanstan, Saýd Arabııa Koroldigi men Mysyr Arab Respýblıkasy, Úndistan men Iordanııa, Marokko men BAÁ, Serbııa men Sırııa, Týnıs pen Lıvan, Belarýs, Qazaqstan men Qyrǵyzstan, Tájikstan men Ózbekstan sekildi memleketterden mártebeli meımandar qatysty.
Atalmysh shara aıasynda Bashqurtstan Respýblıkasynyń Ulttyq mýzeıi men Ulttyq muraǵaty, Reseı Ortalyq musylmandary dinı basqarmasynyń Reseı ıslam ýnıversıtetiniń uıymdastyrýymen taqyryptyq kórmeler ashyldy. Al jıynǵa Qazaqstan atynan qatysqan Nurlan Evfratuly Reseı ortalyq musylmandary dinı basqarmasynyń Tóraǵasy Sheıh-ýl-Islam Talǵat Safa Tadjýddınge Bas múftı Naýryzbaı qajy Taǵanulynyń ystyq sálemin jetkizip, basqarmaǵa tolaǵaı tabystar tiledi.
Sonymen birge, Bashqurtstan astanasynda Reseı ortalyq musylmandarynyń dinı basqarmasyna qarasty Reseı ıslam ýnıversıtetiniń jańa ǵımarattarynyń saltanatty ashylýy ótti. Ýfa qalasynyń tarıhı ortalyǵynyń sáýlettik kelbetine aıryqsha úılesim bergen zamanaýı ǵımarattar kesheni – eldiń eń kóne rýhanı basqarmasynyń rezıdentsııasynyń aýmaǵynda oryn tepken.
Aıta keteıik, konferentsııa ótip jatqan Volj Bulǵarııasy 922 jyly resmı ári erikti túrde memlekettik dinı ustanymy retinde Islam dinin qabyldaǵan edi. Sodan beri óńir halqy dinı senim men rýhanı dástúrdi qatar ustap, eldiń damýyna súbeli úles qosyp keledi.
