«BÓLIM SAǴATY» JOBASYNYŃ KEZEKTI JIYNY ÓTTI (FOTO)
Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanulynyń tóraǵalyǵymen «Bólim saǵaty» jobasy boıynsha kezekti Apparat jınalysy ótti.
Jıynda Qazaqstan musylmandary dinı basqarmasy Aqparat bóliminiń meńgerýshisi Aǵabek Qonarbaıuly men «Munara TV» telearnasynyń dırektory Erkin Shákiruly osyǵan deıin atqarǵan jumystary jaıly esep berdi. Sonymen qatar aldaǵy ýaqytta júzege asatyn jobalar jaıly baıandady.
«Dinı basqarmanyń aqparat salasy, resmı saıty men áleýmettik jelidegi paraqshalary, tól telearnasynyń jumysy árdaıym basty nazarda. Izgi qoǵam qurý jolynda ata-babamyzdan bastap ustanyp kele jatqan haq dinimiz Islamdy nasıhattaýda buqaralyq aqparat quraldarynyń róli zor. Sondyqtan bul saladaǵy jumystardy tııanaqty oryndaý qajet» dedi Bas múftı Naýryzbaı qajy Taǵanuly.
Jıynda QMDB meńgerýshileri bólim men telearna jumysyn jetildirý boıynsha óz oılary men pikirlerin ortaǵa saldy.
Aıta keteıik, búginde Aqparat bólimine qarasty Dinı basqarmanyń resmı saıty jáne ókildikterge qarasty 20 saıt jumys istep tur. Sondaı-aq «Munara TV» arnasy din men dástúr, izgi qoǵam taqyryptary aıasynda kóptegen teleónimderdi kórermen nazaryna usynýda.
