BUQAR JYRAÝDYŃ 355 JYLDYQ MEREITOIYNA ARNALǴAN RESPÝBLIKALYQ KONFERENTsIIa ÓTTI (FOTO)

Búgin Qaraǵandy qalasynda Buqar jyraý Qalqamanulynyń týǵanyna 355 jyl tolýyna oraı respýblıkalyq konferentsııa ótti.

Konferentsııa jumysyna Qazaqstan musylmandary dinı basqarmasynyń tóraǵasy Naýryzbaı qajy Taǵanuly, Qaraǵandy oblysynyń ákimi Ermaǵanbet Bólekpaev, E.A.Bóketov atyndaǵy Qaraǵandy ýnıversıtetiniń rektory Nurlan Orynbasaruly, Qaraǵandy Ekonomıkalyq ýnıversıtetiniń rektory Erqara Balqarauly, Májilis depýtaty Amanjol Áltaev t.b. zııaly qaýym ókilderi, ustazdar men din qyzmetkerleri qatysty.

Konferentsııada baıandama jasaǵan Bas múftı Naýryzbaı qajy Taǵanuly: «Ózderińiz jaqsy bilesizder, Qazaqstan musylmandary dinı basqarmasyna qarasty elimizdegi 3 myńǵa jýyq meshitte aıtylatyn juma ýaǵyzynyń taqyryptary múftııat janyndaǵy arnaıy jumys tobynyń sheshimimen jyl basynda bekitiledi. Sonyń nátıjesinde bir mezette barlyq meshitte bir taqyrypta nasıhat aıtylady.

Múftııat janyndaǵy Ýaǵyz-nasıhat bólimi juma ýaǵyzy mátinin daıyndap, ımamdarǵa usynady. Juma ýaǵyzy mátinine mindetti túrde aqyn-jyraýlarymyzdyń óleń-jyrlarynan úzindiler qosylady. Mysaly, namaz oqýdyń mańyzy týraly aıtylatyn juma ýaǵyzyna Buqar babamyzdyń:

«...Besinshi tilek tileńiz

Bes ýaqytty bes namaz,

Bireýi qaza qalmasqa» dep keletin ósıetti jyrlarynan úzindiler keltiriledi» dedi.

Konferentsııa barysynda Quran oqylyp, Bas múftı Buqar Qalqamanulynyń rýhyna arnaıy duǵa baǵyshtady.