«DIN MEN DÁSTÚR» JYR MÚShÁIRASYNYŃ JEŃIMPAZDARY ANYQTALDY (FOTO)

Astanada ótken Máýlit keshinde QMDB uıymdastyrǵan «Din men dástúr» respýblıkalyq jyr músháırasynyń jeńimpazdary anyqtaldy. Jeńimpaz aqyndardy Bas múftı Naýryzbaı qajy Taǵanuly marapattady.

QMDB Tóraǵasy músháıra jeńimpazdaryn quttyqtap, jyr dodasyna qatysqan aqyndarǵa alǵys aıtty. Músháıra qorytyndysy boıynsha, júldeli birinshi oryndy Álibek Shegebaı (Almaty qalasy) ıelendi. Aqynǵa umra qajylyqqa joldama berildi.

Júldeli ekinshi orynǵa (200 myń teńgeden) Bekjan Áshirbaev pen Baýyrjan Áliqoja (ekeýi de Almaty qalasy) ıe boldy. Úshinshi orynǵa (150 myń teńgeden) Raýan Qaıdar men Saltanat Tórebekqyzy (ekeýi de Astana qalasy) laıyq dep tanyldy. Sondaı-aq 5 adamǵa 70 myń teńgeden yntalandyrý syılyǵy berildi.

Yntalandyrý syılyǵyna Raýan Qabıdoldın (Astana qalasy), Marlen Ǵılymhan (Oral qalasy), Erzat Tólesh (Aqtaý qalasy), Ámına Adaıhan (Almaty oblysy) jáne Zańǵar Sátbergen (Jambyl oblysy) ıe boldy.

​