DINI BASQARMA ÓKILDERI – «DIIaNET» QORYNDA

Qazaqstan musylmandary dinı basqarmasynyń Túrkııa Respýblıkasyndaǵy ókildiginiń uıytqy bolýymen «Dııanet» qorynda kezdesý ótti.

Atap aıtqanda, QMDB «Zeket jáne qaıyrymdylyq» qorynyń dırektory Maqsatbek Maqsotuly, «MUFTIYAT» baspasynyń dırektory Murat Manapuly men «Ýaqyp» qorynyń basqarma tóraǵasy Ardaq Núsiphanuly, sondaı-aq «Talaba» qaýymdastyǵynyń jetekshisi Jandos Aıtbaı Túrkııa din isteri basqarmasyna qarasty «Dııanet» qory dırektorynyń orynbasary Abdýrrahman Chetınmen kezdesti. Bas múftı Naýryzbaı qajy Taǵanulynyń tapsyrmasymen eki kúndik semınarǵa qatysqan Dinı basqarma ókilderi «Dııanet» qorynyń baspa úıin aralap kórdi. Zeket, ýaqyp jáne baspaǵa baılanysty máseleler talqylanyp, tájirıbe almasý jóninde sóz boldy.

Aıta keteıik, jýyrda Qazaqstan musylmandary dinı basqarmasynyń Túrkııa Respýblıkasyndaǵy ókildigi, «Talaba» qaýymdastyǵy men «Halyqaralyq zaǵıptarǵa arnalǵan Quran kyzmeti qaýymdastyǵy» birlesip Ystambul qalasynda «Kórý qabileti shekteýli jandarǵa arnalǵan dinı qyzmetterdi damytýda qoǵamdyq uıymdardyń yntymaqtastyǵy men róli» taqyrybynda eki kúndik semınar ótkizgen bolatyn.

​

Derekkóz: QMDB Baspasóz qyzmeti