DINI SARAPTAMA BÓLIMI ONLAIN KEZDESÝ ÓTKIZDI (FOTO)
Qazaqstan musylmandary dinı basqarmasynyń saraptama bólimi Astana, Almaty, Shymkent qalasy jáne oblystardaǵy saraptama ımamdarynyń qatysýymen onlaın kezdesý ótkizdi.
Is-sharanyń negizgi maqsaty – jańa oqý jylyna oraı Dinı basqarmaǵa qarasty barlyq dinı oqý oryndar, dinı dúkender, medreseler, meshitter men namazhanalardaǵy kitaptarǵa tekseris jumystaryn kúsheıtý.
Jınalys barysynda Dinı saraptama bóliminiń meńgerýshisi Nurlan Qaıyrbekov ımamdarǵa osy jylda atqarylǵan jumystar boıynsha baıandama jasap, oqý maýsymyna saqadaı saı daıyn bolý qajettigin túsindirdi.
«Oqý oshaqtaryna kelgen talapker jas jetkinshekterdiń nazaryn senimsiz dinı ádebıetterden ada ustaý – bizdiń bir mindetimiz. Sol sebepti QMDB-ǵa qarasty barlyq oqý oryndar men medreselerdegi kitaptardy jiti tekseristen ótkizýimiz qajet» dep atap ótti bólim meńgerýshisi.
Sonymen birge, Nurlan Evfratuly saraptamaǵa jaýapty ımamdardyń jyl ishinde jıi aýysýyna baılanysty túsindirme jumystaryn júrgizdi.
Budan bólek, dinı saraptama ımamdaryna óz óńirlerindegi dinı ońaltý boıynsha bekitilgen mamandarmen birlese otyryp jumys jasaý qajettigin jetkizdi. Bul óz kezeginde radıkaldy ádebıetterdiń Qazaqstanda taralýyna ýaqytyly tosqaýyl bolady dep sendirdi.
Bas-aıaǵy bir saǵatqa sozylǵan onlaın kezdesýde túıtkildi máseleler qozǵalyp, óńirlerdegi saraptama mamandarynyń saýaldaryna tushymdy jaýaptar berildi.
