DINI SARAPTAMA QYZMETI TALQYLANDY (FOTO)
QMDB Dinı saraptama bóliminiń uıymdastyrýymen onlaın jıyn ótti.
Oǵan naıb múftı, Sharıǵat jáne pátýa bóliminiń meńgerýshisi Sansyzbaı Qurbanuly, Dinı saraptama bóliminiń meńgerýshisi Nurlan Qaıyrbekov, sondaı-aq Nur-Sultan, Almaty, Shymkent jáne oblystardaǵy dinı saraptama máseleleri jónindegi jaýapty mamandary qatysty.
Jıynda Qazaqstanda basylyp jatqan dinı ádebıetterdiń júıeli saraptan ótkizý máseleleri talqylanyp, dinı sarapta qyzmetiniń mańyzy sóz boldy. Naıb múftı Sansyzbaı Qurbanuly dinı saraptama jumystarynyń ózektiligine arnaıy toqtalyp, ónim mazmunynyń jiti tekserilýi qajettigin atap ótti.
«Jaryqqa shyǵyp, mazmundy ádebıetter tizimin tolyqtyryp otyrǵan kitaptar kóp-aq. Degenmen, ony tereń súzgiden ótkizip, qalyń oqyrmanǵa sapaly dúnıe usyný – bizdiń mindetimiz» deıdi Sansyzbaı Qurbanuly.
Al Dinı saraptama bóliminiń meńgerýshisi Nurlan Evfratuly osy ýaqytqa deıin atqarylǵan sharýalarǵa kóz júgirtip, aldaǵy josparlaryn bólisip ótti. Bas múftı Naýryzbaı qajy Taǵanulynyń tapsyrmasymen ár ókildikte kitaptardy baqylaý jáne dinı saraptama bólimine ár toqsanda esep berý maqsatynda bir naıb ımamdy jaýapty etip bekitkenin tilge tıek etti.
Onlaın jıyn sońynda ár oblystan qatysqan saraptama mamandary da naqty máseleler boıynsha tapsyrma alyp, oı qosyp, usynystaryn ortaǵa saldy.
