DOSAI KENJETAI: DINI BASQARMA DINI SALADA QAJETTI QADAM JASAÝDA (VIDEO)

«Tarıhtyń úsh qazyǵy bar: keshe, búgin jáne bolashaq. Qazaqstan musylmandary dinı basqarmasy ata-babalarymyz ustanǵan dástúrli dinı jolymyzdy jańǵyrtyp, jurtymyzǵa ıhsan ilimin jan-jaqty dáripteýde. Bul – búgingi tańda dinı salada óte qajetti qadam. Biz Qoja Ahmet Iassaýı murasyn, jalpy Islam qundylyqtaryn dáripteý jolynda bir-birimizdi qoldaýymyz qajet. Osy baǵytta uıymdastyrylǵan búgingi halyqaralyq konferentsııanyń mańyzy úlken».

Búgin belgili ıassaýıtanýshy ǵalym, professor Dosaı Kenjetaı Shymkent qalasynda Qazaqstan musylmandary dinı basqarmasynyń uıymdastyrýymen «Qoja Ahmet Iassaýı hám ıhsan ilimi» taqyrybynda ótken  halyqaralyq ǵylymı-tanymdyq konferentsıda osylaı dedi.

Aıta ketsek, konferentsııa jumysyna Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly, Shymkent qalasy ákiminiń birinshi orynbasary Shyńǵys Muqan, Ózbekstan musylmandary dinı basqarmasynyń tóraǵa orynbasary, naıb múftı Ibrahım Inomov (onlaın), Qyrǵyzstan musylmandary dinı basqarmasynyń tóraǵa orynbasary, naıb múftı Abıbılla ajy Qydyrberdıev (onlaın), belgili ǵalym, professor Dosaı Kenjetaı, fılologııa ǵylymdarynyń doktory, professor Shámshedın Kerim, PhD doktor Muhan Isahan t.b. ǵalymdar men ımamdar, al ózge aımaqtardaǵy din qyzmetkerleri onlaın rejımde qatysty.

Источник: Aidos