«EL ÚLESI – PÁTERGE»: Qart anaǵa baspana berildi
Ramazan aıynyń qurmetine Shymkent qalasynyń Qursaı móltek aýdanynda QMDB «Zeket jáne qaıyrymdylyq» qorynyń «El úlesi – páterge» aktsııasy aıasynda 537-baspana tabystaldy.
Igi is-sharaǵa «Zeket jáne qaıyrymdylyq» qorynyń dırektory Qanat Qydyrmın, shahar bas ımamynyń orynbasary Musabek Aqtamberdi, qordyń qalalyq ókildiginiń jetekshisi Aıbek Azımbaev jáne demeýshi azamattar qatysty.
Qanat Qydyrmın quttyqtaý sóz sóılep, jańa páter kiltin jalǵyz ózi birneshe nemeresin baǵyp otyrǵan baspanaǵa asa muqtaj keıýana Jıde Qarataevaǵa tabys etti. Sondaı-aq ıgi iske qarjylaı qoldaý kórsetkeni úshin kásipkerler Meıirjan Pernebaıulyna, Dáýren Mustafaulyna jáne Dıas Úsenulyna alǵysyn bildirdi.
Úıdiń ishi tolyq bitip, turmystyq qajetti jabdyqtarmen qamtamasyz etildi.
Aıta keteıik, shahar bas ımamy Baqdáýlet Nurmatulynyń uıymdastyrýymen jýyq arada taǵy bir úı paıdalanýǵa beriledi.
