Elbasy koronavırýs indetinen qaıtys bolǵandardyń týystaryna kóńil aıtty
Elbasy Nursultan Nazarbaev koronavırýs indetinen qaıtys bolǵandardyń týystary men jaqyndaryna kóńil aıtty. Bul týraly Elbasynyń Baspasóz qyzmeti habarlady.
Qurmetti qazaqstandyqtar!
Búginde Qazaqstan buryn-sońdy bolmaǵan kúrdeli ahýalmen betpe-bet kelip otyr. Qaýipti indet bizdiń qalalarymyz ben aýyldarymyzǵa tarap, ókinishke qaraı, adam shyǵyny oryn alyp jatyr.
Memleket basshysynyń sheshimimen 13 shilde koronavırýs indetinen qaıtys bolǵan azamattardy eske alý – Ulttyq aza tutý kúni bolyp jarııalandy.
Alapat dert bizdiń adamdarymyzdyń ómirin qıyp áketýde. Bul bárimizdiń qabyrǵamyzdy qaıystyryp otyr. Árbir kisi óliminiń artynda qara jamylǵan biraz adamnyń – ákeler men analardyń, qyzdarymyz ben uldarymyzdyń, dos-jarandarymyzdyń qaıǵy-qasireti tur.
Mezgilsiz qaza bolǵandardyń týǵan-týystary men jaqyndaryna qaıǵylaryna ortaqtasyp, kóńil aıtamyn.
Biz bereke-birlik pen tutastyqtyń arqasynda talaı synaqtan súrinbeı óttik. Bul qıyndyqty da el bolyp eńseremiz dep senemin.