ELIMIZDE 8 AIDA 17 938 ADAM DINI SAÝAT AShTY (FOTO)
Qazaqstan musylmandary dinı basqarmasyna qarasty respýblıkanyń túkpir-túkpirindegi meshitterde 2022 jyldyń alǵashqy 8 aıynda 17 938 turǵyn dinı saýat ashý kýrsyn támamdady. Bul týraly QMDB Dinı bilim jáne kadr daıarlaý bóliminiń meńgerýshisi Smaıyl Seıitbekov aıtty.
Elordada ótken keńeıtilgen Ortalyq apparat jınalysynda Smaıyl Súıerqululy «Dinı bilim jáne ǵylym» baǵytynda qańtar-tamyz aılarynyń esebin Bas múftı Naýryzbaı qajy Taǵanulyna baıandady.
«Bıyl «Imanı jaz» dinı saýat ashý kýrsyna mektep jasyndaǵy 28 932 oqýshy qatyssa, onyń 18 694-i ul bala, 10 238-i qyz bala. Sondaı-aq elimiz boıynsha 9375 ımam ártúrli formattaǵy semınar kýrsqa qatyssa, Nur-Múbárak ýnıversıtetin, elimizdegi 9 medrese-kolledjdi jáne Túrkııadaǵy «Hasekı» ınstıtýtyn 603 túlek támamdady. Al jańa oqý jylyna oraı medrese-kolledjderimizge 1305 talapker qujat tapsyrsa, onyń 926-sy emtıhannan súrinbeı ótip, 1-kýrsqa qabyldandy», – dep atap ótti bólim meńgerýshisi.
