Elorda aýrýhanalaryna taǵy 40 apparat tabystaldy (FOTO)
QMDB Nur-Sultan qalasy boıynsha ókildigi men «Zeket» qorynyń uıymdastyrýymen «Ómirge úmit syıla» aktsııasynyń aıasynda elordadaǵy aýrýhanalarǵa 20 ottegi kontsentratory men 20 ókpeni tynystandyrý apparaty tapsyryldy, dep habarlaıdy ummet.kz tilshisi.
QMDB «Zeket» qory elimizde tynysy tarylyp, dem jetpeı jatqan naýqastardy qoldaý maqsatymen «Ómirge úmit syıla» aktsııasyn jarııalaǵan bolatyn. Bul shara elimizdiń túkpir-túkpirinde qoldaý taýyp, meshitter men «Zeket» qorynyń fılıaldarynda belsendi túrde júzege asyp jatyr. Nur-Sultan qalasy meshitteri de izgi sharadan qalys qalmady.
Qaıyrymdylyqty jany súıetin azamattardyń basyn biriktirgen «SAUAP» belsendiler tobynyń músheleri de atsalysqan ıgi sharaǵa «Nur-Sultan qalasynyń Din isteri jónindegi basqarmasy» memlekettik mekemesiniń basshysy Nurdaýlet Imanalıuly men «Zeket» qory dırektorynyń orynbasary Dilmuhan Nurken jáne Nur-Sultan qalasynyń bas ımamy Erbolat Júsipov qatysty.
Asyl dinimiz ben qazaq taǵylymynda der kezinde qol ushyn sozyp, kómek kórsetý úlken saýapty amaldardyń qataryna jatady. Osy baǵytta talmaı eńbektenip júrgen «SAUAP» eriktiler tobynyń azamattaryna Nur-Sultan qalasynyń bas ımamy Erbolat Júsipov sińirgen eńbekterin Alla saýaptan jazsyn dep duǵa etip, aıryqsha alǵysyn bildirdi.
