ELORDA AZANShYLARYNA BIR KÚNDIK OQÝ SEMINARY ÓTTI (FOTO)
Qazaqstan musylmandary dinı basqarmasy Astana qalasy ókildiginiń uıymdastyrýymen «Áziret Sultan» meshitinde Dinı oqý-aǵartý baǵyty aıasynda elorda azanshylaryna bir kúndik oqý semınary ótti.
Semınardyń maqsaty – Astana qalasy meshitterinde qyzmet etetin azanshylardyń kásibı jáne rýhanı biliktiligin arttyrý, azan aıtýdyń ádepteri men daýysty durys qoldaný tásilderin úıretý, sondaı-aq azanshynyń meshittegi rólin aıqyndaý.
Baǵdarlama aıasynda «Áziret Sultan» meshitiniń naıb ımamdary Abdýlahad Smanov pen Mahmud Qasym azan aıtýdyń fıqhtyq negizderi, dybys qoıý tehnıkasy, rýhanı yqylas máseleleri jaıynda tájirıbelik dáris ótkizdi.
Semınar barysynda qatysýshylarǵa arnaıy daıyndalǵan «Azanshy qandaı qasıetterge ıe bolýy kerek» atty aqparattyq paraqshalar taratyldy. Onda azanshynyń rýhanı tazalyǵy, minez-qulqy, daýys mádenıeti, kıim ádebi jáne meshittegi qyzmetke degen jaýapkershiligi jóninde paıdaly keńester qamtylǵan.
Azan – musylman qaýymyn namazǵa shaqyryp qana qoımaı, júrekterge tynyshtyq, rýhqa kúsh beredi. Ásem daýysymen aıtylǵan azan adamdy izgilikke úndep, Allany eske salýdyń eń kórkem túri bolyp sanalady. Sondyqtan azan aıtý – úlken qurmet pen shynaıy yqylasty qajet etetin qasıetti mindet.
Источник: Aidos
