ELORDA IMAMDARY ARASYNDA «ZIIaTKER IMAM – 2023» BILIM SAIYSY ÓTTI (FOTO)

QMDB Astana qalasy ókildigi qyzmetkerleri arasynda «Zııatker ımam – 2023» bilim saıysy ótti. «Aqmeshit» meshitinde uıymdastyrylǵan bilim saıysyna Elordadaǵy 14 meshitten bir-bir úmitkerden qatysyp, «Oqý-aǵartý», «Din men dástúr», «Ihsan ilimi» baǵyttary aıasynda Aqıda, Fıqh, Islam tarıhy jáne QMDB bekitken qujattar boıynsha bilim jarystyrdy.

QMDB tóraǵasynyń orynbasary, naıb múftı Sansyzbaı Qurbanuly, Astana qalasynyń bas ımamy Erbolat Júsipov, belgili qarı Jumanazar Sadyrhanov, QMDB mamany Serikbol Arshabaev jáne tarıh ǵylymdarynyń doktory Maqsat Alpysbes saıysqa qatysýshylardyń dinı bilimi men biliktiligin saraptap, qazylyq jasady.

«KIM BILGIR», «JÚZDEN JÚIRIK», «BILIM-INEMEN QUDYQ QAZǴANDAI» atty birneshe aınalymnan súrinbeı ótken qatysýshylardyń saıystyń aqtyq kezeńinde tańdaǵan taqyryptary boıynsha qysqasha ýaǵyz aıtyp, ózderiniń bilimderimen qatar, sheshendik ónerlerin de ortaǵa saldy.

Tórt kezeńde jınaǵan upaı sany boıynsha júldeli III orynǵa «Áziret Sultan» meshitiniń ustazy Shalqar Joldy ıe bolsa, II orynǵa «Raısa ana» meshitiniń ustazy Úsenuly Azamat laıyq dep tanyldy. «Zııatker ımam – 2023» bilim saıysynyń bas júldesi Respýblıkalyq Bas meshit ustazy Álıhanuly Ádilhanǵa buıyrdy. Júldeger qyzmetkerlerge arnaıy marapat syılyǵy tabystaldy.

Sýretter toptamasyn «FOTOGALEREIa» aıdarynan kóre alasyzdar!