ELORDA IMAMDARY SENBILIKKE QATYSTY (FOTO)
Astana qalasynyń ımamdary dástúrli senbilikke qatysyp, tazalyq jumystaryn júrgizdi. Qala kórkin kórkeıtip, qorshaǵan ortany qorǵaý maqsatynda uıymdastyrylǵan ıgi is-sharaǵa Astana qalasynyń Bas ımamy Erbolat Júsipov bastaǵan elorda ımamdary atsalysty.
Senbilik barysynda Saraıshyq aýdanyndaǵy kósheler boıyna tal otyrǵyzylyp, mańaıdyń bári artyq qoqystardan tazartyldy.
Jalpy alǵanda, tazalyq is-sharalary jyl saıyn turaqty túrde ótkizilip keledi. Bul dástúr qoǵamda Ekologııalyq mádenıetti qalyptastyrýǵa, jastardy jaýapkershilikke baýlýǵa jáne qala turǵyndarynyń ómir súrý sapasyn arttyrýǵa baǵyttalǵan.
Islam dininde tazalyqqa úlken mán beriledi. Alla Elshisiniń (s.ǵ.s.) «Tazalyq – ımannyń jartysy» degen hadısi bar. Sondyqtan qorshaǵan ortany da taza ustaý – árbir adamnyń paryzy.
