ELORDA IMAMDARY SOLTÚSTIK ÓŃIRGE ZIIaRAT JASADY (FOTO)

QMDB Astana qalasy ókildiginiń qyzmetkerleri ótken demalysta «Darhan dala» jobasy aıasynda Soltústik Qazaqstan oblysy ókildigine sapar shegip, Petropavl qalasynyń tynys-tirshiligi, tarıhymen tanysyp qaıtty. Oblys bas ımamy Hamzat Qajymuratuly qonaqtardy ózi qarsy alyp, Qyzyljar óńiriniń dinı ahýalymen, tarıhı mekenderimen tanystyrdy.

Atap aıtqanda, Elorda meshitteriniń ımamdary men ustazdary Petropal qalasyndaǵy Islam murajaıyn, Ólketaný murajaıyn jáne Botanıkalyq saıabaqty tamashalap, shahar tynysyn sezingendeı boldy. Sondaı-aq, astanalyq qonaqtar ataqty Abylaı hannyń rezıdentsııasyna arnaıy baryp, 2008 jyldan beri resmı túrde murajaılyq keshen bolyp ashylǵan ǵımaratty aralady.

Aıta keteıik, «Abylaı han rezıdentsııasy» – Abylaı hannyń Petropavl qalasyndaǵy ordasy, tarıhı eskertkish. Muraǵattyq materıaldardyń málimetteri boıynsha, «Abylaıdyń ótinishi boıynsha Esil ózeniniń joǵarǵy jaǵyndaǵy Enqystaý taýynda áýlıe Petrdiń bekinisi janynan onyń kelip turýy úshin 1765 jyly aǵash úı salynǵan».