Elorda ımamdary jyldyq qorytyndy esep berdi (FOTO)

26 qarasha 2018 8833 0
Оqý rejımi

Búgin respýblıkalyq «Áziret Sultan» meshitinde QMDB tóraǵasynyń birinshi orynbasary, Astana qalasynyń ókil ımamy Naýryzbaı qajy Taǵanulynyń tóraǵalyǵymen Elorda ımamdarynyń jyldyq qorytyndy esep berý otyrysy ótti. Alqaly jıynda Astana qalasyndaǵy toǵyz meshitte jyl boıy atqarylǵan sharalar esebi kórsetilip, bas ımamdar baıandama jasady. Sondaı-aq, «Astana» medrese kolledji men «Zeket» qorynyń Astana ókildiginiń de jyldyq esebi tyńdaldy.

Jańa nusqa boıynsha ótken jyldyq esep berý jınalysynda QMDB tarapynan bekitilgen oqý-aǵartý, ýaǵyz-nasıhat, qaıyrymdylyq jáne teris aǵymmen kúres baǵyttary boıynsha jalpy málimet berilip, fotosýrettermen naqtylanyp otyrdy. Sonymen qatar, keıbir málimetter boıynsha qosymsha suraqtar qoıylyp, meshittegi túrli máselelerdiń sheshý tetigi qarastyryldy.

Jınalys barysynda aıtylǵan sharalar esebine qatysty naıb múftı Naýryzbaı qajy Taǵanuly jalpy oń baǵasyn berip, din jolyndaǵy jumystaryna sáttilik tiledi. Keıbir qulshylyq ordalaryndaǵy kemshilikter jaıy eskertilip, kelesi jylǵy josparǵa engiziý jaıttary aıtyldy.

Sýretterdi «FOTOGALEREIa» aıdarynan kóre alasyzdar!

 

 

Pіkіrler Kіrý