ELORDA IMAMDARYNA DINI OŃALTÝ JUMYSTARYN KÚShEITÝGE BAǴYTTALǴAN SEMINAR ÓTTI (FOTO)
Astana qalasynyń Bas ımamy Erbolat Júsipovtiń jetekshiligimen elorda ımamdaryna teris aǵymdardyń aldyn alý isine qatysty semınar ótti.
Jıynǵa QMDB Dinı ońaltý bóliminiń basshysy m.a. Danııar Kenjalın, «Áziret Sultan» meshitiniń jáne Astana qalasynyń bas ımamy Erbolat Júsipov, sondaı-aq elordadaǵy dinı ońaltý jumystaryna jaýapty ımamdar qatysty.
Semınar barysynda jat aǵym ókilderimen jumys isteý tájirıbeleri saralanyp, dinı ońaltýdyń ádis-tásilderi talqylandy. Qatysýshylarǵa radıkaldy kózqarastaǵy azamattardy qoǵamǵa beıimdeý joldary, ımamdardyń ustanýy tıis Etıkalyq qaǵıdalary jan-jaqty túsindirildi.
Basqosý barysynda sharıǵı bilimdi jetildirýmen qatar, Qazaqstan Respýblıkasynyń zańnamasyn meńgerýdiń de mańyzy erekshe ekeni aıtyldy. Sebebi dinı ońaltý isinde tek dinı dáleldermen ǵana emes, quqyqtyq turǵyda da saýatty qadam jasaý mańyzdy.
Qala bas ımamy Erbolat Nuryldauly men Danııar Kenjalın jat aǵym ıdeologııasynyń qaýipti tustaryn, onyń otbasy qundylyqtaryna, jastardyń dúnıetanymyna, ulttyq birlik pen turaqtylyqqa tıgizer zalalyn tilge tıek etti. Osyǵan sáıkes qazirgi ýaqytta ımamdardyń jaýapkershiligi artyp otyrǵany jasyryn emes.
Semınardyń túpki maqsaty – dinı ońaltý qyzmetin kúsheıtý, jat aǵymnyń aldyn alý sharalaryn júıeli jolǵa qoıý jáne el ishindegi dinı turaqtylyqty qamtamasyz etýge úles qosý.
Источник: Aidos
