ELORDA IMAMDARYNA «DINIM – DIŃGEGIM, DÁSTÚRIM – QAZYNAM» SEMINARY ÓTTI (FOTO)
Qazaqstan musylmandary dinı basqarmasy Astana qalasy ókildiginiń uıymdastyrýymen elordalyq din qyzmetkerlerine «Dinim – dińgegim, dástúrim – qazynam» atty semınar ótti.
Semınardy QMDB Din men dástúr bóliminiń meńgerýshisi Nurbek Esmaǵambet júrgizip, astana ımamdaryna din men dástúr sabaqtastyǵynyń mańyzy, ulttyq bolmysty saqtaýdaǵy rýhanı qundylyqtardyń róli jáne qoǵamdaǵy din qyzmetkeriniń mádenı beınesi týraly keńinen baıandady.
Basqosý barysynda ımamdarǵa qazaqtyń salt-dástúri men dinı ustanymdarynyń ózara úılesimdiligi, ulttyq sana men rýhanı tárbıeniń baılanysy jaıynda naqty mysaldar keltirildi.
Sonymen qatar, semınar qatysýshylaryna qoǵamda jıi kezdesetin dinı jáne áleýmettik máselelerdi sheshýde dástúrli Islam qundylyqtaryn tıimdi qoldanýdyń joldary túsindirildi. Semınar sońynda qatysýshylarǵa arnaıy sertıfıkattar tabystaldy.
Источник: Aidos
