ELORDA IMAMDARYNYŃ ALQALY JIYNY ÓTTI (FOTO)
Búgin Astana qalasyndaǵy «Áziret Sultan» meshitinde elorda ımamdarynyń alqaly jıyny ótti. Jıyn qasıetti Quran aıattaryn oqýmen bastaldy.
Otyrysta Astana qalasynyń bas ımamy Erbolat Júsipov bıylǵy «Islam jáne adal qoǵam» jylyna oraı júzege asyrylatyn negizgi baǵyttarǵa toqtaldy. Sonymen qatar elorda ımamdaryna jaýapty kýrator, QMDB Tóraǵasynyń orynbasary, naıb múftı Sansyzbaı Qurbanuly basymdyq berilgen tórt baǵyt boıynsha atqarylatyn jumystardy atap ótip, jaýapkershilikpen eńbek etip, naqty nátıje kórsetýge shaqyrdy.
Jıyn barysynda tórt baǵytqa jaýapty ımam-ustazdar óz salalary boıynsha atqarylatyn negizgi josparlarymen tanystyrdy.
Aıta keteıik, QMDB Tóraǵasy, Bas múftı Naýryzbaı qajy Taǵanuly baǵdarlamalyq baıandamasynda bıylǵy jyldy «Islam jáne adal qoǵam» jyly dep jarııalaǵan bolatyn. Osyǵan sáıkes negizgi tórt baǵyt bekitildi. Olar: ıhsan jáne nasıhat, dinı oqý-aǵartý, dástúr jáne otbasy, sondaı-aq jat aǵymdardan saqtandyrý.
Sýretterdi «FOTOGALEREIa» aıdarynan kóre alasyz!
Источник: Aisha
