ELORDA IMAMDARYNYŃ BASQOSÝ JIYNY ÓTTI (FOTO)
Astana qalasynyń bas ımamy Erbolat Júsipovtiń basshylyǵymen elorda ımamdaryna arnaıy jıyn ótti.
Astana medrese-kolledji ǵımaratynda ótken jıynda qala bas ımamy jýyrda ǵana medrese dırektory qyzmetine taǵaıyndalǵan Qanat Ońǵarbaevty arnaıy quttyqtap, medrese jumysyna sáttilik tiledi
Jıynda jyl sońynda atqarylatyn mańyzdy sharalar men QMDB tarapynan júktelgen negizgi tapsyrmalardyń oryndalý barysy, sondaı-aq jalpy din salasyna qatysty barlyq baǵyttar qamtyldy.
«Biz atqarǵan árbir isimiz – qoǵamǵa qyzmet etý, dinimizdi nasıhattaý jolyndaǵy mańyzdy qadam. Elordalyq meshitterdiń jumysy júıeli ári jemisti bolý úshin árbir ımamnyń jaýapkershiligi zor. Barlyqtaryńyzǵa aldaǵy sharalardy tabysty júzege asyrýǵa, jamaǵatpen tyǵyz baılanysta bolýǵa jáne din qyzmetin odan ári jetildirýge tilektespin» – dedi qala bas ımamy Erbolat Nuryldauly.
