Elorda ımamdarynyń jyldyq jospary bekitildi (FOTO)

Búgin QMDB Astana qalasy ókildiginiń jalpy jınalysy ótip, jyldyq jospar bekitildi. Respýblıkalyq «Áziret Sultan» meshitinde ótken alqaly jıynǵa Astana qalasyndaǵy 10 meshittiń dinı qyzmetkerleri qatysyp,  2019 jylǵa arnalǵan jumys josparymen tanysty. Jastar jyly aıasyndaǵy irgeli ister men atqarylatyn jumystar talqylanyp, daıyndyq pysyqtalǵan basqosýǵa «Astana» medrese kolledjiniń dırektory Ibragım Smataev ta qatysyp, ortaq josparǵa oı qosty.

Respýblıkalyq «Áziret Sultan» meshitiniń birinshi naıb ımamy Qanat Qydyrmınniń tóraǵalyǵymen ótken jınalys barysynda Astana qalasy ókildigi boıynsha oqý-aǵartý, ýaǵyz-nasıhat, qaıyrymdylyq sharalary, teris aǵymdarmen jumys, meshit isteri jáne baspasóz salalary boıynsha jaýapty qyzmetkerlerdiń jospary tyńdalyp, jumys mindetteri bekitildi. Birqatar baǵyttar boıynsha atqarylatyn sharalardy barlyq meshitterde birizdilikpen ótkizý jaıy aıtylyp, naqty sheshimder qabyldandy.

Sýretterdi «FOTOGALEREIa» aıdarynan kóre alasyzdar!