ELORDA MEShITTERINDE ÁIEL JAMAǴATYNA AS BERÝ MÁDENIETI TÚSINDIRILDI

Astana qalasyndaǵy elorda meshitterinde áıel-qyzdar jamaǵatyna «Qudaıy as – jarys emes, saýap» taqyrybynda rýhanı kezdesýler uıymdastyrylyp, as berý ádebine qatysty ýaǵyz-nasıhat júrgizildi.

Kezdesýler barysynda meshit ustazdary qudaıy as berýdiń máni men musylmandyqtaǵy ornyn túsindirip, bul rásimniń negizgi maqsaty marqumdy eske alyp, oǵan duǵa baǵyshtaý, aǵaıyn-týystyń basyn qosý jáne saýapty amal jasaý ekenin jetkizdi. Sonymen qatar as berý kezinde dańǵazalyq pen orynsyz shyǵynǵa urynbaı, qarapaıymdylyqty ustanýdyń mańyzyna toqtaldy.

Ýaǵyz-nasıhatta halyq arasynda qalyptasqan as berý dástúrin durys túsinip, ony sharıǵat talaptaryna saı atqarý máselesi de qozǵaldy. Ustazdar as berýdi ózgelermen básekelesetin rásimge aınaldyrmaı, marqumnyń rýhyna duǵa jasaý men izgi nıetti aldyńǵy orynǵa qoıý qajettigin atap ótti.