Elorda meshitterinde «Imanı jaz» jobasy bastaý alady

Elordada ornalasqan respýblıkalyq Bas meshitte Astana qalasynyń bas ımamy Nurbek Áýezhanulynyń basshylyǵymen jıyn ótti.

Basqosýda aldaǵy jazǵy maýsymda uıymdastyrylatyn «Imanı jaz» jobasynyń daıyndyq jumystary talqylandy. Jıyn barysynda balalarǵa arnalǵan jazǵy saýat ashý kýrstarynyń mazmuny, oqý-tárbıe baǵyty, shákirtterdiń qaýipsizdigi men ata-analarmen baılanys máseleleri sóz boldy.

Sonymen qatar din men dástúr qundylyqtaryn óskeleń urpaqtyń sanasyna sińirý, ulttyq tárbıe men rýhanı qundylyqtardy nasıhattaý baǵytyndaǵy jumystar pysyqtaldy.

Aıta keteıik, «Imanı jaz» jobasy jyl saıyn jazǵy demalys kezinde óskeleń urpaqty ımandylyqqa tárbıeleý, meshitpen baılanysyn nyǵaıtý maqsatynda dástúrli túrde uıymdastyrylyp keledi.