ELORDA MEShITTERINE «MUFTIYAT» BASPASYNYŃ KITAPTARY TANYSTYRYLDY (FOTO)
Astana qalasy ókildigine qarasty meshitterdiń din qyzmetkerlerine Qazaqstan musylmandary dinı basqarmasynyń «Muftiyat» baspasynan jaryq kórgen jańa kitaptar tanystyryldy.
«Áziret Sultan» meshitinde ótken kezdesýde naıb ımam Jumanazar Sadyrhanov ımamdarǵa jýyrda basylyp shyqqan dinı oqýlyqtar men ádebıetterdiń mazmuny men maqsatyn keńinen túsindirdi. QMDB tarapynan jaryq kórgen bul eńbekterdiń ımamdar men jamaǵat úshin paıdaly rýhanı qural ekenin atap ótti.
Sondaı-aq, naıb ımam din qyzmetkerlerine atalǵan kitaptardyń jamaǵatqa durys nasıhattalyp, ár meshittiń kitap sórelerinen oryn alýyn qamtamasyz etýdi tapsyrdy.
Jıyn sońynda jańa kitaptar qaladaǵy barlyq meshitterge úlestirilip, ár meshittiń qoryna tabystaldy. Bul bastama dinı saýattylyqty arttyrý men ımamdardyń nasıhattyq jumysyna qoldaý kórsetýge baǵyttalǵan.
