Elorda meshitterine qasıetti Quran kárim tartý etildi (FOTO)

Búgin el astanasy Nur-Sultan qalasyndaǵy qulshylyq ordalary úshin qýanyshty kún boldy. «Salıqaly urpaq» qoǵamdyq qorynyń muryndyq bolýymen búgin Elordamyzdaǵy 12 meshitke qasıetti Quran kitaptary tartý etildi.

Respýblıkalyq «Áziret Sultan» meshitiniń uıymdastyrýymen ótken «Quran – sónbes sáýle, jaryq nur» atty ıgilikti sharaǵa Bas shahardaǵy 12 qulshylyq ordasynyń qyzmetkerleri qatysyp, adamzat balasyna asyl jol nusqaǵan qasıetti kitaptarty meshitterdiń aýqymyna oraı bólisti.

Búgingi sharanyń mán-mańyzdylyǵyna toqtalǵan «Áziret Sultan» meshitiniń birinshi naıb ımamy Marat Bektazınov «Salıqaly urpaq» qoǵamdyq qoryna alǵysyn bildirip, qor dırektory Qasym Qasabekovke ókildik atynan «Alǵys hat» tabystady.

«Áziret Sultan» meshitiniń irgestasy quıylyp, dińgegi qaǵylǵan kezden bastap basy-qasynda bolyp, keıinirek osy meshitte birer jyl qyzmet atqarǵan Qasym Qasabekov búgingi sharaǵa uıytqy bolyp, teńizge qosqan tamshydaı bolsyn úles keltirgenine shúkirshiligin aıtyp, din qyzmetkerlerine óz rızashylyǵyn bildirdi. Basqosý barysynda syıǵa tartylǵan Quran kitaptarynyń QR-kod arqyly oqýǵa bolatyny kórsetildi.

Sýretterdi «FOTOGALEREIa» aıdarynan kóre alasyzdar!