Elorda meshitteriniń Ramazanǵa daıyndyǵy pysyqtaldy (FOTO)

QMDB Nur-Sultan qalasy ókildiginiń jalpy jınalysy bolyp, Elorda meshitteriniń qasıetti Ramazan aıyn daıyndyǵy pysyqtaldy. Qala bas ımamy Erbolat Júsipovtiń tóraǵalyǵymen ótken jalpy jınalysqa 12 meshit bas ımamdary men jaýapty qyzmetkerler qatysty.

Alqaly jıynda Elorda ımamdary Ramazan aıyna baılanysty bekitilgen jumys josparyn taǵy bir pysyqtap, ár meshittiń daıyndyǵy týraly baıandady. Sondaı-aq, ramazan aıy kezinde meshitterdegi tazalyq pen sanıtarlyq-saqtyq sharalary, aýyzashar dastarhandaryn uıymdastyrý, qaıyrymdylyq jumystary sekildi baǵyttar boıynsha naqty tapsyrmalar berildi. Iǵtıkaf máselesi men suraq-jaýap boıynsha kezekshilik kestesi de bekitildi.